ह़ुन ता आई जाओ मसीह़ा

मिगी बचाने आस्‍ते (2)

मिलेया नेई ह़ुन तकर कोई मिगी

ह़ाल सनाने आस्‍ते

ह़ुन ता आई जाओ मसीह़ा....

जाने कदुं तकर ज़िन्दगी

तुफानें गी झ़ल्‍लग

चऊन्‍नी पास्‍से ऐ बरानी नेई

कुसी एह़ किश बोलग

तुस गै देयो इरख थोड़ा नेह़या

पीड़ भ़ुलाने आस्‍ते

मिलेया नेई ह़ुन तकर कोई मिगी...

एह़ दुनिया मतलब दी ऐ

कुसदे आस्‍ते कुसी उल्फत ऐ

मतलब दे ऐ नाते सारे

कुसदे आस्‍ते कुसी फुर्सत ऐ

तुस गै आई जाओ मसीहा

दर्द भुलाने अस्‍ते

थोह़या नेई ह़ुन तकर कोई मिगी...